گوادر، 26 اکتوبر: محکمہ سماجی بہبود نے گوادر پولیس کے تعاون سے انسدادِ گداگری مہم کے دوران دو افراد کو تحویل میں لے لیا۔
متعلقہ پوسٹس
محکمے کے مطابق کارروائی کا مقصد عوامی مقامات پر گداگری کی روک تھام اور مستحق و بے سہارا افراد کی شناخت کرکے انہیں فلاح و بحالی کی سہولیات سے منسلک کرنا ہے۔
حکام نے بتایا کہ دونوں افراد کے خلاف متعلقہ قانون کے تحت مزید کارروائی کی جائے گی۔ محکمے نے اس بات پر بھی زور دیا کہ قانون پر عمل درآمد کے ساتھ ضرورت مند افراد کے انسانی وقار اور بنیادی حقوق کا تحفظ یقینی بنایا جائے گا۔