کوئٹہ، 26 اکتوبر: ایف سی بلوچستان نارتھ کے تعاون سے گرینڈ بلوچستان لیگ ٹی 20 کرکٹ ٹورنامنٹ کی افتتاحی تقریب 26 اکتوبر 2026 کو چاغی اسٹیڈیم، کوئٹہ میں منعقد ہوئی۔ ڈی آئی جی ایف سی بلوچستان نارتھ نے بطور مہمانِ خصوصی تقریب میں شرکت کی اور ٹورنامنٹ کا باقاعدہ افتتاح کیا۔
تقریب میں تمام شریک ٹیموں کے مالکان، قومی و صوبائی اسمبلی کے ارکان اور شائقینِ کرکٹ کی بڑی تعداد نے شرکت کی۔ اس موقع پر شائقین کی دلچسپی کے لیے ایک نمائشی میچ بھی منعقد کیا گیا۔
متعلقہ پوسٹس
گرینڈ بلوچستان لیگ کے انعقاد کا مقصد نوجوانوں کو مثبت اور صحت مند سرگرمیوں کے مواقع فراہم کرنا، ان کی کرکٹ کی صلاحیتوں کو نکھارنا اور انہیں قومی سطح پر اپنی صلاحیتوں کے اظہار کا موقع دینا ہے۔
اس لیگ سے بلوچستان میں کرکٹ کے فروغ اور نوجوانوں میں کھیلوں کے جذبے کو تقویت دینے میں مدد ملنے کی توقع ہے۔