پشاور، 17 اکتوبر: وفاقی حکومت نے خیبر پختونخوا کے 12 اضلاع میں علاقائی نمائندہ و ترقیاتی کونسل کے 48 ارکان کی نامزدگی کا باضابطہ نوٹیفکیشن جاری کر دیا ہے۔ ارکان کی نامزدگی کا عمل مقامی جرگوں کی باہمی مشاورت اور متعلقہ حکام کے ذریعے مکمل کیا گیا۔
نامزدگیوں کے لیے ڈپٹی کمشنرز کے تعاون سے جرگے منعقد کیے گئے۔ ناموں کی جانچ اور کارروائی ایڈیشنل چیف سیکریٹری و ایڈمنسٹریٹر، علاقہ ترقیاتی سیکریٹریٹ نے مکمل کی، جس کے بعد فہرست چیف سیکریٹری خیبر پختونخوا اور گورنر کے ذریعے وفاقی حکومت کو ارسال کی گئی۔
شوکت اللہ خان، جن کا تعلق ضلع باجوڑ کے ترکانی قبیلے سے ہے، کونسل کے چیئرپرسن مقرر کیے گئے ہیں، جبکہ شمالی وزیرستان سے تعلق رکھنے والے ملک خان مرجان کو وائس چیئرپرسن مقرر کیا گیا ہے۔
ضلع باجوڑ سے شوکت اللہ خان، شہاب الدین خان، ملک سلطان زیب اور حاجی لالی شاہ شامل ہیں۔ ضلع مہمند سے ملک فیاض خان، ملک نادر منان اور ملک صاحب خان امبر کو نامزد کیا گیا ہے، جبکہ ضلع خیبر سے ملک عبدالرزاق، ملک عزت اللہ، ملک صلاح الدین، ملک ظاہر شاہ اور شیریں خان کونسل کے ارکان ہوں گے۔
متعلقہ پوسٹس
ضلع کرم سے منیر حسین بنگش، ملک عبدالولی خان، ملک زمین حسین، سید ولی سید میاں اور احسان اللہ احسان شامل ہیں۔ ضلع اورکزئی سے لال مان شاہ، سید فخر عباس اور فیض اللہ نامزد کیے گئے ہیں۔
شمالی وزیرستان سے ملک خان مرجان، ملک نصراللہ، ملک حاجی شیر محمد، مفتی مصباح اللہ خان اور ملک حبیب خان شامل ہیں۔ جنوبی وزیرستان اپر سے صالح شاہ، ملک عرفان الدین احمد برکی، ملک محمد رومان محسود اور ملک رمتال خان، جبکہ جنوبی وزیرستان لوئر سے ملک علاؤالدین وزیر، ملک جمیل توجی خیل، ملک معین الدین وزیر اور ملک سردار عباس کونسل کا حصہ ہوں گے۔
ضلع بنوں سے باز محمد خان، مولانا عبدالغفار قریشی، ملک شیریں اور ملک احسان خان؛ ڈیرہ اسماعیل خان سے عبدالحلیم، سردار آغاز خان، سردار عباد خان اور قیضر خان ایڈووکیٹ؛ ضلع ٹانک سے نوابزادہ عبدالوہاب، عبداللہ ننگیال اور عرفان اللہ کنڈی، جبکہ ضلع لکی مروت سے مولانا عمر اشرفی، ملک ادریس خان، نجیب اللہ خان اور رحمت اللہ عرف متی نامزد کیے گئے ہیں۔
کونسل میں مقامی قبائلی عمائدین اور نمائندوں کی شمولیت کا مقصد علاقائی نمائندگی، ترقیاتی امور میں مشاورت اور مقامی سطح پر عوامی مسائل کے حل میں معاونت فراہم کرنا ہے۔